ఆదర్శ్ జాన్సన్ పేరిట టెక్సాస్ వర్సిటీలో స్మారక స్థూపం
అమెరికాలో హత్యకు గురైన తెలుగుతేజం ఆదర్శ్ జాన్సన్‌కు టెక్సాస్ యూనివర్సిటీ అరుదైన గౌరవం కల్పించింది. ఆయన హత్యకు గురైన నీటి కొలను ముందు ఓ స్మారక స్థూపాన్ని నిర్మించడమే గాక.. ప్రతి ఏటా ఆయనకు నివాళులర్పించాలని అధికారికంగా తీర్మానించింది. విశ్వవిద్యాలయ క్యాంపస్‌లో ఓ విద్యార్థి పేరిట
ఇలా స్మారక స్థూపాన్ని ఏర్పాటు చేయడం ఇదే తొలిసారి కావడం విశేషం.
చదువులో విశేష ప్రతిభ కనబర్చిన జాన్సన్.. రెండేళ్లలో పూర్తిచేయాల్సిన మాస్టర్ ఆఫ్ సైన్స్ ఇన్-ఇన్‌ఫర్మేషన్ సిస్టం కోర్సును 14 నెలల్లోనే పూర్తిచేశారు. భారత్ నుంచి వచ్చిన విద్యార్థుల్లో ఈ ఘనత సాధించిన తొలి విద్యార్థి జాన్సనేనని వర్సిటీ ప్రొఫెసర్లు ఆయన తల్లిదండ్రులకు వివరించారు.
జాన్సన్‌కు ప్రదానం చేయాల్సిన కోర్సు సర్టిఫికెట్‌ను యూనివర్సిటీ అధ్యక్షుడు రైన్డ్ ఓరేర్ ఓ కార్యక్రమంలో ఆయన తల్లిదండ్రులకు అందజేశారు. తమ కుమారుడి హత్య కేసును సత్వరం ఛేదించేందుకు పాతికేళ్ల అనుభవమున్న ఇద్దరు మహిళా అధికారులను ప్రత్యేకంగా నియమించినట్లు అమెరికా ప్రభుత్వం తెలిపిందని జాన్సన్ తల్లిదండ్రులు వివరించారు.
కుమారుడ్ని కోల్పోయిన ఆ కుటుంబానికి ఇదో చిన్న ఓదార్పు.మంచి సమాచారమిచ్చారు.యే పత్రికల్లోనూ ఈ వార్త వచ్చినట్టులేదు.
ReplyDelete