నిశ్శబ్దం అందంగా చెదిరే వేళ

పెదవి అంచున పేరుకున్న నిశ్శబ్దం అందంగా చెదిరే వేళ తీరం చేరిన ఆనందాన్ని తన తరగల తరంగిణీ నృత్యంతో మాత్రమే చూసి తరంగం మాయమౌతుందెందుకని? కనురెప్ప పరదాల చాటు నుంచి వచ్చే సందేశం మనసు చేరే లోపలే సందేహమవుతుందెందుకది? నా కలలకి కథావస్తువా! నీ కెలా చెప్పను? నీ ముంగురుల కదలికలో నాకు ప్రపంచం కనబడుతుందని నీ కనురెప్పల చప్పుళ్ళలో నాకు వేదం వినబడుతుందని!

- యండమూరి ‘ఆనందో బ్రహ్మ’ నుంచీ